वीरगंज, २६ साउन ।
वीरगंजका पत्रकार जियालाल साहले मानव सेवा आश्रम वीरगंजका आश्रितहरूलाई खाना खुवाएका छन् ।
बुवाको सम्झना र केही दिन अघि बितेको जन्मदिनको अवसर पारी मानव सेवा आश्रम वीरगंजका करीब ६५ जना आश्रितहरूलाई एक छाक खाना खुवाएर सहयोग गरेका छन् । तर दाताहरूले स्वेच्छाले दान गरेको रकमबाट खाना खुवाउने चलन रहेको मानव सेवा आश्रम वीरगंजका प्रमुख दिवेश मानवसेवाले बताए ।
पछिल्लो समय दीनदुःखीलाई सहयोग र दानपुण्य गरी जन्मदिन र वैवाहिक वर्षगाँठ मनाउने चलन बढेको छ । तर फजुल खर्च गरी जन्मदिन मनाउनुभन्दा गरीब असहायलाई सहयोग गरी उत्सव मनाउनु उपयुक्त बुझेर मानव सेवालाई सहयोग गरेको पत्रकार जियालाल साहले बताए ।
