जीतपुर सिमरा उपमहानगरपालिकाले नगर प्रहरीलाई परिचालन गरे पनि प्रभावकारी काम नगरेको भन्दै स्थानीयवासीले तीव्र असन्तोष व्यक्त गरेका छन् । स्थानीयका अनुसार पैदल यात्रीका लागि बनाइएको सडक छेउ (पेटी)मा व्यवसायिक सामान राखेर किनबेच भइरहेको छ, जसले सर्वसाधारणलाई आवतजावतमा कठिनाइ उत्पन्न गराएको छ ।
सडक छेउमा रहेका ती समानले न केवल पैदल यात्रीलाई समस्या पारेको छ, दुर्घटनाको जोखिम पनि बढाएको स्थानीयको भनाइ छ । यस्तै, अटो, गाडी, र मोटरसाइकल पार्किङ अव्यवस्थित रहेको र यो अवस्थालाई सुधार गर्न नगर प्रहरीले कुनै चासो नदेखाएको गुनासो पनि स्थानी
यले गरेका छन् ।
नगर प्रहरीको भूमिका केवल उपस्थितिमा सीमित रहेको छ । उनीहरूले कुनै प्रभावकारी कदम चालिरहेका छैनन्, जसका कारण सडक समस्या जटिल बन्दै गएको छ । नगरपालिकाले यस विषयमा चाँडै ध्यान नदिएमा स्थानीयहरूले आन्दोलन गर्ने चेतावनीसमेत दिएका छन् । नगर प्रहरीको निष्क्रियताले नागरिकहरूको दैनिक जीवनमा गम्भीर असर पुर्याएको भन्दै सुधारको माग गरिएको छ ।
